İfaları ilə milyonların qəlbini fəth etmiş tanınmış türkiyəli sənətçi Halil Sezai 28 oktyabrda Bakıda, Hayal Kahvesinin səhnəsində sevənlərinin qarşısında çıxış etdi.
Halil Sezai - türk aktyor və müğənnidir. Əsli Bolqarıstanın Pazarcık vilayətinin Paracık kəndindəndir və soyadını oradan götürüb. 2003-cü ildə Əskişəhər Atatürk Liseyini və Hacettepe Universiteti Ankara Dövlət Konservatoriyasının Teatr fakültəsini bitirib. 2012-ci ildə Kral TV Musiqi Mükafatlarında "Ən yaxşı sənətçi" mükafatını aldı.
Qeyd edək ki, bu, Sezainin ölkəmizə ilk səfəri deyil. O, bundan əvvəl də bir neçə dəfə paytaxtımızda konsert verib.
“Hər kəsi salamlayıram. 10 il ərzində Bakıya dəfələrlə gəlmişəm. Buradakı qarşılama elə yaxşıdır ki, adam özünü evindəki kimi hiss edir. Bakını çox sevirəm".
Sənətçi mahnılarının hüzünlü olmasının səbəbinidə açıqladı:“Hər şeyə hüzünlü tərəfindən baxıram. Bu, mənim içimdən gəlir. Nə qədər çabalayıram ki, enerjili mahnılar ifa edim, insanları coşdurum. Lakin alınmır. Həyatımdakı kədər mahnılarıma yansıyır. Həyata qarşı üsyankar deyiləm”.
Hayal Kahvesinde baş tutmuş konsert böyük anşlaqla keçdi və hamının zövgünə oxşadı. Konsertde Halil Sezainin " Olsun", "Paramparça", "Sonbahar" , "İsyan" və sair xitləri səsləndi.
