Bakıda "Mercedes" yolu keçmək istəyən piyadanı vurub öldürüb

Ötən gecə Bakının Nizami rayonunda piyadanı avtomobil vurub.

APA-nın məlumatına görə, hadisə Qara Qarayev prospektində baş verib. Bakı sakini, 26 yaşlı Babayev Nicat Arif oğlu yolu keçmək istəyərkən "Mercedes" markalı avtomobillə vurulub. Ağır bədən xəsarətləri alan Nicat Babayev təcili tibbi yardım maşını ilə 3 saylı Şəhər Kliniki xəstəxanasına çatdırılıb. Həkimlərin səyinə baxmayaraq, onun həyatını xilas etmək mümkün olmayıb.


Yol qəzasını Nizami Rayon Polis İdarəsi araşdırır. Fakt üzrə cinayət işi başlanılıb.