Bakı-Qazax yolunda avtobus piyadanı vuraraq öldürüb

Ucar rayonunda ölümlə nəticələnən yol qəzası baş verib.

APA-nın məlumatına görə, hadisə bu gün saat 16:30 radələrində Bakı-Qazax əsas magistral yolunun Ucar rayonunun Müsüslü kəndindən keçən hissəsində qeydə alınıb. Yolu keçmək istəyən piyadanı - Ucar rayonunun Ənvər Məmmədxanlı kənd sakini, 22 yaşlı Yusif Güloğlan oğlu Qasımovu “PAZ” markalı avtobus vurub. Ağır bədən xəsarətləri alan Yusif Qasımov Ucar Rayon Mərkəzi Xəstəxanasına aparılarkən yolda dünyasını dəyişib. Hadisənin hansı səbəbdən baş verdiyi və avtobus sürücüsünün şəxsiyyəti hələlik məlum deyil. Faktla bağlı Baş Dövlət Yol Polisi İdarəsinin İstintaq və Təhqiqat şöbəsində araşdırma aparılır.