Bakıda yaşayış binasının tavanı uçub, 15 nəfər təxliyyə edilib

Bakının Yasamal rayonunda ikimərtəbəli yaşayış binasının tavanı uçub.

APA-nın Fövqəladə Hallar Nazirliyinin (FHN) saytına istinadən verdiyi xəbərə görə, hadisə yerinə nazirliyin xilasetmə qüvvələri cəlb olunub.

Xilasetmə əməliyyatı təkrar uçqun təhlükəsi ehtimal olunan ərazidə keçirildiyinə görə, 15 nəfər bina sakini təxliyyə olunub.