İyul ayında Bakıda 20 nəfəri gün vurub

Cari ilin iyul ayında Bakıda 20 nəfəri gün vurub.


Bu barədə APA-ya açıqlamasında Bakı Şəhər Təcili və Təxirəsalınmaz Tibbi Yardım Stansiyasının baş həkiminin müavini Oqtay Şahmalıyev deyib. O bildirib ki, gün vuranlardan 10 nəfəri xəstəxanaya yerləşdirilib, digər gün vuranlara isə ilkin tibbi yardım göstərilib. O. Şahmalıyevin sözlərinə görə, günvurma halları müxtəlif yaş arası insanlar arasında müşahidə olunur.


Baş həkimin müavini qeyd edib ki, yay mövsümü başlayandan bu günə kimi paytaxtda 31 günvurma hadisəsi qeydə alınıb.