Əhali kreditlər üzrə faizlərin ödənişinə 1 mlrd. manat xərcləyib

2016-cı ilin yanvar-noyabr aylarında əvvəlki ilin müvafiq dövrü ilə müqayisədə əhalinin gəlirləri nominal ifadədə 8,9% artaraq 40 mlrd. 28,5 mln. manata çatıb.

Dövlət Statistika Komitəsindən APA-ya verilən məlumata görə, gəlirlərin 79,4%-i və ya 31,783 mlrd. manatı son istehlak xərclərinə, 9,1%-i və ya 3,6 mlrd. manatı vergilərin, sığorta və üzvlük haqlarının, 2,6%-i və ya 1,041 mlrd. manatı kreditlər üzrə faizlərin ödənilməsinə sərf edilib, 8,9%-i və ya 3,6 mlrd. manatdan bir qədər az isə yığıma yönəldilib.