“Real Madrid” Çempionlar Liqasının qalibi olub

Çempionlar Liqasının final matçı keçirilib.


Milanda keçirilən həlledici qarşılaşmada İspaniyanın 2 klubu – “Real” və “Atletiko” üz-üzə gəlib. “San Siro”da baş tutan Madrid derbisində “Real” qalib gəlib.


“Real”ın müdafiəçisi Serxio Ramos matçın 15-ci dəqiqəsində hesabı açıb.


“Atletiko”nun oyunçusu Yannik Farreyra-Karrasko görüşün 79-cu dəqiqəsində hesabı bərabərləşdirib. Oyunun əsas hissəsi 1-1 hesabı ilə başa çatıb.


Əlavə olunmuş vaxtda da qalib müəyyənləşməyib. Penaltilər seriyasında daha dəqiq olan “Real” Çempionlar Liqasının qalibi olub.



Çempionlar Liqası
Final
28 may

“Real” (Madrid, İspaniya) – “Atletiko” (İspaniya) - 1:1 (əsas vaxt)
Qollar: Serxio Ramos, 15 - Karrasko, 79

Penaltilər seriyası - 5-3

Baş hakim: Mark Klattenburq
Köməkçi hakimlər: Simon Bek, Ceyk Kollin
Əlavə köməkçi hakimlər: Entoni Teylor, Andre Marriner (hamısı İngiltərə)
Dördüncü hakim: Viktor Kaşşai (Macarıstan)
Milan. “San Siro” stadionu