"Moody’s": Azərbaycanın xarici aktivləri ölkə iqtisadiyyatı üçün dayaqdır

Azərbaycanın xarici aktivləri ölkə iqtisadiyyatını neft qiymətlərinin aşağı düşməsindən yaranan əks təsirlərdən qorumaq üçün dayaq yaradır.

APA-nin verdiyi xəbərə görə, bu barədə "Moody’s" reytinq agentliyinin hesabatında deyilir.

Hesabatda ölkənin xarici və yerli valyutada olan dövlət istiqrazlarının "Baa3" səviyyəsində müəyyən olunub.

Agentlik qeyd edir ki, neft qiymətlərinin aşağı düşməsi "qara qızıl"dan asılı ölkə olan Azərbaycan iqtisadiyyatına əhəmiyyətli dərəcədə təsir edib və tədiyyə balansına təzyiq göstərib. Buna baxmayaraq, ölkənin 2015-ci ilin sonuna 42 mlrd. dollar dəyərində olan xarici aktivləri aşağı neft qiymətlərinə uyğunlaşmağa şərait yaradır.