Bakıda naməlum şəxslər 53 yaşlı kişiyə bizlə 20-dək xəsarət yetiriblər

Bakıda naməlum şəxslər 53 yaşlı kişiyə bizlə 20-dək xəsarət yetiriblər

APA-nın məlumatına görə, naməlum şəxs Qaradağ sakininə kəsici-deşici alətlə 20-ə yaxın xəsarət yetirib. 53 yaşlı Rəfail Rəhmanova yaşadığı evin qarşısında kəsici-deşici alətlə çox saylı zərbələr endirənlər hadisə yerindən qaçıblar. Yaralı dərhal təcili yardım maşını ilə xəstəxanaya çatdırılıb. Həkimlər Rəfail Rəhmanovda 20-dək kəsilmiş-deşilmiş yara aşkarlayıblar.

Həkim onu da əlavə edib ki, xəsarətlər bizlə yetirilib. Rəfail Rəhmanov polisə bildirib ki, axşam evində yemək yeyən zaman tanımadığı şəxs onu evindən çağırıb. O, çölə çıxanda naməlum şəxs bizlə ona xəsarətlər yetirib. Polis cinayət alətinə görə, hadisəni törədən şəxsin əvvəllər məhkumluq həyatı yaşadığını ehtimal edir.

Faktla əlaqədar cinayət işi başlanıb, araşdırmalar aparılır.