"TeliaSonera" Azərbaycan bazarından gedir

"TeliaSonera" şirkəti tədricən Avrasiya regionundan çıxaraq əsasən biznesini Avropa regionuna yönəldəcək.

APA-nn "İnterfaks"a istinadən verdiyi xəbərə görə, bu barədə İsveçin telekommunikasiya nəhənginin açıqlamasında deyilir.

Bəyanatda deyilir ki, şirkət tədricən Avrasiya regionundan tamamilə çıxacaq.

Qeyd edək ki, bəyanatda qeyd edilən Avrasiya regionuna postsovet respublikaları və Nepal daxildir.

Əlavə edək ki, "TeliaSonera" Azərbaycanda "Azercell" brendi altında fəaliyyət göstərir.