İsveçrə hökuməti qondarma “erməni soyqırımı”na abidə qoyulması təklifini rədd edib

İsveçrə hökuməti bu ölkədəki erməni diasporunun qondarma “erməni soyqırımı”na abidə qoyulması təklifini rədd edib.

APA-nın “Doğan” Xəbər Agentliyinə istinadən xəbərinə görə, İsveçrə Xarici İşlər Nazirliyi tələbin rəddinə dair qərarını Cenevrə kantonunun hökumətinə göndərib.
 
Qeyd edək ki, İsveçrədəki erməni diasporu Cenevrədəki BMT parkında - “Ariana Park”da qondarma “erməni soyqırımı”na abidə qoyulmasını təklif edib. Nazirliyin açıqlamasında bildirilib ki, erməni diasporu təklifində israr edərsə, Cenevrə kantonunun hökuməti abidənin şəhərin başqa yerində qoyulmasına qərar verə bilər.