Dünya Çempionatı: Cüneyt Çakır Hollandiya-Argentina oyunun hakimi təyin edilib

Türkiyəli hakim Cüneyt Çakır Braziliyada keçirilən futbol üzrə Dünya Çempionatının yarımfinal qarşılaşmasının baş hakimi təyin edilib.

APA-nın İTAR-TASS agentliyinə istinadən verdiyi xəbərə görə, bunu Beynəlxalq Futbol Federasiyaları Assosiasiyasının (FİFA) mətbuat xidməti bəyan edib.

37 yaşlı Çakır bundan əvvəl turnirdə iki qrup oyununun baş hakimi olub: Braziliya-Meksika (0:0) və Rusiya – Əlcəzair (1:1).

Braziliya və Almaniya arasında digər yarımfinalı meksikalı hakim Marko Rodriqes idarə edəcək.