Ermənistanla Azərbaycan arasında sülh gündəliyi ikitərəfli məsələdir.
Bunu Azərbaycan xarici işlər naziri Ceyhun Bayramov dekabrın 28-də ilin yekunlarına dair mətbuat konfransında deyib.
Nazir qeyd edib ki, Azərbaycanla Rusiya arasında iki ölkə münasibətlərini tənzimləyən çoxsaylı sənədlər var.
O bildirib ki, bu sənədlər müxtəlif illərdə imzalanıb: “O sənədlərə əsasən Rusiya Azərbaycanın ərazi bütövlüyünü qeyd - şərtsiz dəstəkləyir. Rusiya Prezidenti Vladimir Putin də Qarabağın Azərbaycan ərazisi olduğunu deyib. Rusiya hər zaman bu mövqeyini təsdiq edib”.
Nazirin sözlərinə görə, 44 günlük Vətən müharibəsindən sonra imzalanan üçtərəfli bəyanatda Moskvanın mühüm rolu olub: “Rusiya həmin sənədin tərəfidir. Ermənistanla Azərbaycan arasında sülh gündəliyi isə ikitərəfli məsələdir. Üçüncü tərəflər əgər neytraldırsa, obyektivdirsə, biz bunu dəstəkləyirik”.
Report
