“Qarabağ” Avropa Liqasının qrup mərhələsinə qələbə ilə başlayıb

“Qarabağ” UEFA Avropa Liqasının qrup mərhələsində mübarizəyə start verib.

Live.az-ın məlumatına görə, H qrupunda yer alan Azərbaycan çempionu ilk oyununu Norveç klubu “Molde”yə qarşı keçirib.

Tofiq Bəhramov adına Respublika stadionunda baş tutan görüşün birinci hissəsi qolsuz bitib.

İkinci hissədə ardıcıl hücumlar 56-cı dəqiqədə bəhrəsini verib və Leandro Andrade  hesabı açıb.

Bu qol matçın taleyini həll edib və “Qarabağ” rəqibinə 1:0 hesabı ilə qalib gəlib.

Qrupun digər oyununda Almaniyanın “Bayer” klubu öz meydanında İsveç təmsilçisi “Hakken”i 4:0 hesabı ilə məğlub edib.

Qeyd edək ki, II turun oyunları oktyabrın 5-də keçiriləcək. Həmin gün “Qarabağ” “Hakken”in, “Bayer” isə “Molde”nin qonağı olacaq.