Almaniyada silahlı şəxs 3 nəfəri öldürüb 5 nəfəri yaraladıqdan sonra intihar edib

Naməlum silahlı şəxs Almaniyanın Haydelberq şəhərindəki binaların birində atəş açıb, nəticədə 3 nəfər ölüb, 5 nəfər isə yaralanıb.

APA-nın “RİA Novosti”yə istinadən verdiyi xəbərə görə, bu barədə Stuttgarter-Zeitung portalı yerli polisə istinadla məlumat yayıb.

Hadisədən dərhal sonra atəş açan şəxs özünü güllələyərək intihar edib. Hadisənin təfərrüatları açıqlanmır.

Polis hadisə ilə əlaqədar araşdırma aparır.