"Toshiba" 3 günə 6,5 mlrd. dollar itirib

"Toshiba" şirkəti son 3 gün ərzində bazar dəyərinin 40%-ni itirib.

Qeyd edilən müddət ərzində Yaponiya nəhəngi 6,5 mlrd. dollar zərərlə üzləşib.

Dekabrın 26-da şirkət bəyan edib ki, ili bir neçə milyard dollarla ölçülən zərərlə başa vuracaq. Bundan sonra 3 gün ərzində şirkətin səhmləri müvafiq olaraq 12%, 20% və 17% ucuzlaşıb.

"Moody`s" beynəlxalq reytinq agentliyi "Toshiba"nın kredit reytinqini "zibil" səviyyəsinə endirib.



APA