Bu gün Ukrayna Ali Radasında insident baş verib. APA-nın Ukrayna mətbuatına istinadən verdiyi məlumata görə, “Pyotr Poroşenko Bloku” fraksiyasından olan deputat Oleq Barna baş nazir Arseni Yatsenyukun çıxış etdiyi kürsüyə yaxınlaşaraq ona qara lentlə bağlanmış gül dəstəsini təqdim edib.
Sonra o, Yatsenyuku qucaqlayaraq kürsüdən uzaqlaşdırıb.
Qeyd edək ki, deputat O. Barna hökumətə etimadsızlıq göstərilməsi üçün imza toplayır.
Onu da əlavə edək ki, A. Yatsenyukun çıxışı zamanı Pyotr Poroşenko Bloku” və “Xalq Cəbhəsi” fraksiyalarına daxil olan deputatlar arasında dava olub.
