Putin: “Tehranla “altılıq” ölkələri arasında əldə olunan razılaşmanı alqışlayırıq”

Rusiya prezidenti Vladimir Putin Vyanada Tehranla “altılıq” ölkələri arasında əldə olunan razılaşmaya münasibət bildirib.

APA-nın “RİA Novosti”yə istinadən verdiyi məlumata görə, Putin müvafiq anlaşmanı alqışladığını bildirib.

“Rusiya Vyanada İranın nüvə proqramı ilə bağlı vəziyyətin nizamlanmasına dair qəbul edilən qərarı alqışlayır. Ümid edirik ki, bütün maraqlı tərəflər, ilk növbədə “altılıq” ölkələri İranla razılaşdırılan qərarları tam həcmdə icra edəcəklər”, - deyə o vurğulayıb.

Rusiya prezidenti razılaşmanın həmçinin dinc atom üzrə Moskva-Tehran əməkdaşlığı baxımından vacibliyini önə çəkib.