Səfir: “Azərbaycan kommunikasiya strategiyasında regionda aparıcı ölkə olmağa çalışır”

“İnformasiya inqilabı son illər yaşayışımıza, işimizə, iqtisadiyyatımıza güclü təsir edib”.

APA-nın məlumatına görə, bu sözləri ABŞ-ın Azərbaycandakı səfiri Robert Sekuta kibertəhlükəsizliklə bağlı Bakıda keçirilən tədbirdə deyib.

Onun sözlərinə görə, ölkəsi hər gün milyonlarla kiberhücuma məruz qalır: “ABŞ bununla üzləşən yeganə ölkə deyil. Bu sahədə əməkdaşlıq çox vacibdir. Azərbaycan təhlükəsiz gələcəyə öz töhfələrini verir, kommunikasiya strategiyasında regionda aparıcı ölkə olmağa çalışır. ABŞ bu təşəbbüsləri dəstəkləyir. Ölkələrarası münasibətlərdə təhlükəsizlik məsələsi getdikcə daha da əhəmiyyət kəsb edəcək".