Aysel "Porşe" markalı avtomobilləri çox sevir: müğənniyə "Porşe"ni kim alıb?

Aysel "Porşe" markalı avtomobilləri çox sevir: müğənniyə "Porşe"ni kim alıb? Mətbuatda müğənni Aysel Əlizadənin 45 yaşlı Elçin adlı biznesmenlə sevgili olduğu və ona "Porşe" avtomobili hədiyyə etdiyi haqqında xəbərlər yayılıb.

Live.az bildirir ki, Aysel Əlizadənin mətbuat katibi Zəminə Rüstəmova teleqraf-a açıqlamasında xəbəri təkzib edib:

"Aysel "Porşe" markalı avtomobilləri çox sevir. İki il öncə də "Porşe" sürürdü. Avtomobilin yeni modeli gəldiyinə görə, yeni "Porşe" alıb. Adıçəkilən şəxsə gəlincə, o, Ayselin dostudur. Aysel sənətçidir və cəmiyyətdə tanınan insandır. Onun bütün təbəqələrdən dostlarının olması normaldır. Bunu kimsə şəxsi münasibətə yozursa, hüquqi müstəvidə cəzalanıdırılacaq. Əgər sübut olmadan dostluğu şəxsi münasibətə çevirirlərsə, qanun qarşısında cavab verəcəklər. Yayılan xəbərlər şayiədir".


***

Live.az-ın qafqazinfo-ya istinadən məlumatına görə, Aysel Əlizadənin "Yetim" ləqəbli sevgilisi Bakıda məşhur avtoqaleriyanın sahibi Elçindir.

O, Aysel Əlizadə üçün son model olan "Porsche" almaqla yanaşı, xüsusi məna kəsb edən dövlət nömrə nişanı da hədiyyə edib. "90 EA 333" seriyalı nömrədə cütlüyün adlarının baş hərfləri əks olunub.

***

Müğənni Aysel Əlizadə yeni eşq macəraları ilə gündəmə gəlib.

Live.az bakipost-a istinadən xəbər verir ki, onun yeni sevgilisi ilə münasibətləri şou-biznes aləmində əsas müzakirə mövzusuna çevrilib. Məlumata görə, müğənni avtomobil alqı-satqısıyla məşğul olan, bu sahədə məşhur bir şəxslə münasibətdədir.

Həmin şəxsin müğənniyə son model "Porsche" avtomobili və digər bahalı hədiyyələr aldığı, ona görə evindən uzaqlaşdığı bildirilir. Həmin şəxs 45 yaşındadır, daha çox "Yetim" ləqəbi ilə tanınır.

A.Əlizadənin köməkçisi Ləman Tağıyeva açıqlamasında məlumatı təkzib edib.

Qeyd edək ki, müğənni bir müddət əvvəl maqazin verilişlərinin birində imkanlı bir şəxslə evlənmək istədiyini bildirmişdi.
Şərhlər
Şou-biznes bölməsinin xəbərləri