Ağstafada avtomobil şadlıq evinin administratorunu vuraraq öldürüb

Bakı-Qazax magistral yolunun Ağstafa rayonu ərazisindən keçən hissəsində piyadanın vurulması ilə nəticələn yol-nəqliyyat qəzası baş verib.

APA-nın məlumata görə, magistral yolun kənarında yerləşən şadlıq saraylarından birində administrator işləyən Ağstafa şəhər sakini, 42 yaşlı Elmar Vəliyev yolu keçmək istəyərkən naməlum avtomobil tərəfindən vurulub.

Dərhal Ağstafa Mərkəzi Rayon Xəstəxanasına çatdırılsa da, onu həyatını xilas etmək mümkün olmayıb.

Faktla bağlı Baş Dövlət Yol Polisi İdarəsində araşdırma aparılır.