Bakıda oğul atasını bıçaqlayıb

Bakıda oğul atasını bıçaqlayıb.

APA-nın məlumatına görə, 57 yaşlı paytaxt sakini Sadıxov Elman Ağaverdi oğlu çoxsaylı bıçaq xəsarətləri ilə 1 saylı Şəhər Kliniki Xəstəxanasına gətirilib. Bədənin müxtəlif nahiyələrində kəsilmiş-deşilmiş yara alan Elman Sadıxov dərhal əməliyyata götürülüb.

Məlum olub ki, 57 yaşlı kişi yaşadığı 20 sahə, Yurbəy Mürsəlov küçəsindəki evində bıçaqlanıb. Elman Sadıxovun qanını isə onun doğma oğlu Kamil axıdıb. Polislər tərəfindən saxlanılan Kamil Sadıxovun ruhi-əsəb xəstəlikləri dispanserində qeydiyyata alındığı məlum olub.

Hadisəni Səbail Rayon Polis İdarəsi araşdırır.