Azərbaycanda dərman preparatlarının satış qiymətindəki artımın qarşısı alınıb

İqtisadiyyat və Sənaye Nazirliyi yanında Antiinhisar Siyasəti və Istehlakçıların Hüquqların Müdafiəsi Dövlət Xidməti dərman preparatlarının satışı ilə məşğul olan şirkətlər tərəfindən süni qiymət artımının qarşısını alıb.

Bunu APA-ya Nazirliyin mətbuat xidmətinin rəhbəri Abbas Əliyev bildirib.

“Dərman preparatlarının qiymətinin artırılması ilə bağlı bildiririk ki, görülmüş tədbirlər nəticəsində satış qiymətləri əvvəlki səviyyəyə qaytarılıb” deyə A. Əliyev bildirib.

Qeyd edək ki, bəzi saytların verdiyi xəbərə görə, dərman preparatlarının satışı ilə məşğul olan şirkətlər tərəfindən qiymətlər 24 faiz artırılıb.