Balıq satışı qaydaları sərtləşdirildi Nazirlər Kabineti balıq məhsullarının ticarət dövriyyəsinə daxil edilmə qaydalarını dəyişdi

Azərbaycanda balıq məhsullarının satışı üçün “Azərbaycan Respublikasında ticarət, ictimai iaşə, məişət və digər növ xidmət Qaydaları”nda dəyişiklik edilib.

Nazirlər Kabinetindən Trend-ə bildiriblər ki, qaydaya edilən əlavəyə əsasən, ticarət dövriyyəsinə daxil edilmiş balıq məhsullarının satışı kənd təsərrüfatı məhsullarının satışı yerlərində, o cümlədən müvafiq avadanlıqlarla təchiz edilmiş baza, yarmarka, mağaza və xüsusi ayrılmış digər yerlərdə həyata keçiriləcək.