FIFA-dan zədəli futbolçularla bağlı qərar

FIFA-nın Tibb Komitəsi oyun zamanı futbolçuda beyin silkələnməsi aşkar edildiyi zaman matçda 3 dəqiqəlik fasilə yaradılmasını tövsiyə edir.

Trend-in qurumun rəsmi saytına istinadən verdiyi məlumata görə, bu təklif FIFA-nın Tibb Komitəsində bəyənilib və baxılması üçün İcraiyyə Komitəsinə göndərilib.

İcraiyyə Komitəsinin iclası sentyabrın 25-də baş tutacaq. Zədələnmiş oyunçu tibbi heyət və komanda həkimlərinin qərarından sonra meydançaya qayıda bilər.

Bu qərar əksər futbolçuların başlarından zədə almalarına baxmayaraq oyunu davam etdirmək istəyinə görə verilib.