Röya Türkiyədə nüfuzlu mükafatlandırma gecəsinə qatıldı

Müğənni Röya bu gün azərbaycanlı iş adamı Mübariz Mənsimovun sahibi olduğu “Pal FM”in tədbirinə qatılıb.

Live.az-ın xəbərinə görə, Röya radio tərəfindən 2012-ci ilin ən yaxşılarının seçiləcəyi mərasimdə iştirak etmək üçün Türkiyəyə yollanıb.

Müğənninin “Göndər” klipi “Pal FM”in ilin ən yaxşıları siyahısına düşüb.

Dəbdəbəli məkanda keçirilən gecədə müğənni Röya mükafat ala bilməyib.

Türkiyəli yerli müğənnilər isə mükafatsız qalmayıblar.

Hande Yenər “İlin səhnə performansı”, Demet Akalın isə “İlin ən yaxşı albomu” nominasiyası üzrə birincilik əldə edib.

Gecənin ən çox diqqət çəkən qonağı isə Hadisə olub. Beli açıq libası və bahalı zinət əşyaları ilə tədbirə qatılan Hadisə “Alternativ sinql” mükafatını alıb.

Tədbir Mübariz Mənsimova aid olan “İstanbul Edition otel və Billionare Club”da baş tutub.