Azərbaycanda avtomobil sürücüləri üçün radio kanalı açılıb

Azərbaycan Nəqliyyat Nazirliyinin Nəqliyyatı İntellektual İdarəetmə Mərkəzində (NİİM ) 107.7 tezliyində «Auto FM» radiosu texniki yayıma başlayıb.


Əsas yayıma isə oktyabr ayında start veriləcək. Bu barədə APA-ya NİİM-in mətbuat xidmətindən məlumat verilib.


«Auto FM» əhalini yollardakı vəziyyət barədə operativ şəkildə məlumatlandırmaq, vətəndaşları birbaşa olaraq Nəqliyyatı İntellektual İdarəetmə Sisteminin fəaliyyəti barəsində maarifləndirmək, geniş əhali kütləsini sistemlərin işləmə mexanizmini ətraflı öyrənməyə sövq etmək, NİİM-də olan məlumatları ictimaiyyətlə paylaşmaq məqsədi daşıyır. «Auto FM» radiosunda ənənəvi informativ və əyləncəli xarakter daşıyacaq proqramlar, müxtəlif janrlı musiqi nömrələri də yayımlanacaq.


Qeyd edək ki, radioya dair 6 illik lisenziyanın verilməsi barədə qərar Milli Televiziya və Radio Şurasının aprelin 2-də keçirilmiş iclasında qəbul edilib.