Türkiyə və Küveyt vizasız rejimə keçiblər

Dünən Türkiyə və Küveyt arasında viza rejiminin ləğvi barədə saziş imzalanıb. Bu barədə Trend çərşənbə axşamı "Sabah" qəzetinə istinadən məlumat verir.

Saziş Küveyt əmiri Sabah Əhməd əl-Cabir əl-Sabahın Türkiyəyə səfəri zamanı imzalanıb.

İlkin mərhələdə vizaların əldə edilməsi zərurətindən diplomatik pasport sahibləri, elm, mədəniyyət və idman xadimləri azad ediləcəklər.

Tərəflər, həmçinin iqtisadiyyat, turizm, mədəniyyət sahələrində bir sıra sazişlər imzalayıblar.