Kənan Doğulu Bakıda möhtəşəm konsert ilə çıxış edib

27 iyul  “SEA BREEZE Summer LIVE” çərçivəsində Türkiyənin parlaq pop ulduzu Kənan Doğulu Bakıda canlı solo konserti ilə çıxış edib.

LIVE.az life.az-a istinadla xəbər verir ki, tamaşaçıların alqışları ilə səhnəyə çıxan sənətçi “Bumaya” mahnısı ilə  gecəni açıb.

“Əziz dostlar, sizi konsertimdə görməyə şadam, xoşbəxtəm ki, bu gecəni sizinlə bölüşəcəyik”, - deyə Doğulu pərəstişkarlarnı salamlayıb.

Kanan Doğulu “Doktor”, “Ben Senin Herşeyinim”, “Aşk ile Yap”, “Gənclik Marşı”, “Yaparım Bilirsin”, “Eks aşkım”, “Çakkıdı”, “Tutamıyorum Zamanı”, “Baş hərfi ben” və bir çox digər hit mahnılarnı səsləndirib.
İki saatdan çox davam edən konsert anşlaqla keçib və möhtəşəm atəşfəşanlıqla yekunlaşıb.