“ASAN xidmət” Azərbaycanın 6 rayonunda 16 mindən artıq vətəndaşa səyyar xidmət göstərib

“ASAN xidmət” iyun ayından bu vaxta qədər Azərbaycanın 6 rayonunda 16 mindən artıq vətəndaşa səyyar xidmət göstərib.



APA-nın xəbərinə görə, bu barədə Azərbaycan prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov məlumat verib.


O bildirib ki, “ASAN xidmət”in xüsusi texniki avadanlıqlarla təchiz olunmuş səyyar avtobusları həmin rayonlara göndərilir: “İlin sonuna kimi Azərbaycanın bütün ərazilərində səyyar avtobus xidmətlərimizdən istifadə etmək mümkün olacaq”.