Azərbaycanda dollarla əməliyyatların həcmi 1,5 dəfə azalıb


2017-ci ilin yanvar-dekabr aylarında valyuta bazarının həcmi ötən ilin müvafiq dövrünə nisbətən azalıb.

 

APA Mərkəzi Bankın statistikasına istinadən xəbər verir ki, 2016-cı il ilə müqayisədə ötən il xarici valyuta əməliyyatlarının həcmi 1,5 dəfə azalıb.

 

Ötən il 2016-cı ili müqayisə edəndə məlum olur ki, hesabat dövründə də dollar ilə əməliyyatlarda 1,59 dəfə azalma qeydə alınıb. Belə ki, 2017-ci ilin yanvar-dekabr aylarında ABŞ dolları ilə mübadilə əməliyyatlarının həcmi 3 mlrd. 492 mln. 925,9 min ABŞ dolları olubsa, 2016-cı ildə 5 mlrd. 564 mln. 473,7 min manat təşkil edib. Ötən ilin dekabr ayı ilə 2016-cı ilin eyni dövrünü müqayisə edəndə ABŞ dolları ilə əməliyyatların həcminin 1,98 dəfə artdığı məlum olur. Qeyd edək ki, ötən ilin dekabr ayında 505 mln. 778,7 min dollarlıq, 2016-cı ilin dekabrında 254 mln. 938,9 min dollarlıq mübadilə əməliyyatları aparılıb.

 

Ötən ilin dekabr ayında nağd xarici valyuta ilə mübadilə əməliyyatları zamanı

310 mln. 872 min ABŞ dolları satılıb ki, bu da 1 il əvvəl ilə müqayisədə 2,26 dəfə çoxdur. 2017-ci ilin dekabrında nağd xarici valyuta ilə mübadilə əməliyyatları zamanı 194 mln. 906,7 min ABŞ dolları alınıb. Bu, 2016-cı il ilə müqayisədə 66,17% çoxdur.

 

Ötən ilin noyabr ayı ilə müqayisədə dekabrda banklar tərəfindən dollar alışı 6,8%, dollar satışı isə 1,8 dəfə artıb.

 

Ötən il ilə 2016-cı ili müqayisə edəndə məlum olur ki, hesabat dövründə də avro ilə əməliyyatlarda da 15,4% azalma qeydə alınıb. Belə ki, ötən ilin yanvar-dekabrında avro ilə mübadilə əməliyyatlarının həcmi 730 mln. 971,1 min ABŞ dolları olubsa, 2016-cı ildə 861 mln. 409,6 min manat təşkil edib. 2016-cı ilin dekabr ayı ilə müqayisədə ötən ilin ilin eyni dövründə avro ilə əməliyyatların həcmi isə 2,83 dəfə artıb. Başqa sözlə, ötən ilin dekabrında avro ilə mübadilə əməliyyatlarının həcmi 95 mln. 971,6 min avro olubsa, 2016-cı ilin eyni dövründə bu göstərici 33 mln. 871,9 min avro təşkil edib.

 

Ötən ilin dekabrında nağd xarici valyuta ilə mübadilə əməliyyatları zamanı 81 mln. 40,5 min avro satılıb ki, bu da 1 il əvvəl ilə müqayisədə 3,8 dəfə çoxdur. Hesabat dövründə nağd xarici valyuta ilə mübadilə əməliyyatları zamanı 14 mln. 931,1 min avro alınıb. Bu, 2016-cı ilin müvafiq dövrü ilə müqayisədə 20,69% çoxdur.

 

Ötən ilin noyabr ayı ilə müqayisədə dekabrda banklar tərəfindən avro alışı 2,39% azalıb, bundan fərqli olaraq avro satışı isə 0,14% artıb.шаблоны для dle 11.2
Şərhlər
İqtisadiyyat bölməsinin xəbərləri