Azərbaycan əhalisi 2017-ci ildə 120 min nəfər artıb

 

“Azərbaycanda əhalinin artım dinamikası yüksəlib”.

 

Live.az-ın APA-ya istinadən verdiyi məlumata görə, parlament və BMT ilə birgə keçirilən konfransda Azərbaycan Respublikasının Dayanıqlı İnkişaf üzrə Milli Əlaqələndirmə Şurasının sədri, baş nazirin müavini Əli Əhmədov bildirib.

 

O qeyd edib ki, 2017-ci ildə 159 min uşaq dünyaya gəlib, ümumilikdə isə 120 min nəfər artım olub: “Bu yüksək dinamikadır və biz bütün proqramları o istiqamətə yönəltmişik ki, əhalinin rifah halı yaxşılaşsın. Biz hər il 100 min iş yerinin açılmasını planlaşdırırıq".