Samir Cavadzadə: “Eurovision” müsabiqəsinin ayağı iştirakçılara düşmür


“Eurovision 2008” təmsilçimiz Samir Cavdzadə efirlərə niyə çıxmamasının səbəbindən danışıb.


LIVE.az-ın məlumatına görə, “APA TV”-nin “Show time” verilişinə qonaq olan ifaçı bildirib ki, tez-tez efirlərdə görülməyin tərəfdarı deyil:



“Loru dilində desək, “Eurovision” müsabiqəsinin ayağı iştirakçılara düşmür. Bu tək Azərbaycanda yox, dünyada belədi. Bilirsiniz, o cür işlərdən  sonra insan istəyir ki, eyni ardıcıllıq olsun. Amma o yarışdan Azərbaycana qayıdıb, yenidən toy bazarına düşürsən. Bu zaman isə bütün əhvalın pozulur. Mən hər zaman kameradan qaçmışam. Təqdim edəcəyim yeni işlər olmayanda efirlərə çıxmamışam. Fikirləşmişəm ki, maraqlı nəsə mahnı, klip olanda efirə çıxım. Boş-boşuna mən hara getdim, geyindim və ya kimlə yaşadım kimi şeylər kimin nəyinə lazımdır? Fikirləşirəm ki, bu mənim şəxsi həyatımdır. Heç kim qarışmamalıdır. Nə olsun ki, mən gündəmdə olan insanam. Elə bu şeylərə görə bizi gündəmdən qaçırtdız. Sənətimdən, oxumağımdan yazın. Biz sənət göstərmək istəyirik, qalmaqal mənim üçün şou deyil”.


шаблоны для dle 11.2
Şərhlər
Şou-biznes bölməsinin xəbərləri