Kolumbiya prezidenti 50 illik münaqişənin başa çatdığını elan edib

Kolumbiya prezidenti Xuan Manuel Santos Kolumbiya İnqilabi Silahlı Qüvvələrinin (KİSQ) tam tərksilah olunduğunu və bununla da qiyamçılarla hökumət arasında 50 illik münaqişənin başa çatdığını elan edib.



APA-nın “RİA Novosti”yə istinadən verdiyi xəbərə görə, ötən gün Kolumbiyada KİSQ üzvlərinin tərksilah edilməsi prosesi ilə bağlı son tədbirlər keçirilib.



Qeyd edək ki, Kolumbiya İnqilabi Silahlı Qüvvələri yerli kommunist partiyasının hərbi qolu kimi 1964-cü ildə yaradılıb. Qruplaşmanın sıralarında 20 minədək silahlı döyüşüb. Qiyamçılarla hökumət arasında sülh danışıqları dörd il davam edib.