ETSN: Lerik sakini qanunsuz kəsdiyi ağacın altında qalaraq ölüb

ETSN: Lerik sakini qanunsuz kəsdiyi ağacın altında qalaraq ölüb



Ekologiya və Təbii Sərvətlər Nazirliyi bu gün Lerikdə ölümlə nəticələnən hadisə ilə bağlı məlumat yayıb. Ekologiya və Təbii Sərvətlər Nazirliyinin mətbuat xidmətindən APA-ya verilən xəbərə görə, hadisə saat 16 radələrində Lerik Meşə Mühafizəsi və Bərpası Müəssisəsinin 15 saylı dolayında baş verib.

Lerik rayonunun Çayrud kənd sakini 1953-cü il təvəllüdlü Tərzan Muradov müəssisənin Vizəzəzmin meşəbəyliyindəki dolaya özbaşına daxil olaraq qanunsuz ağac kəsərkən kəsdiyi ağac onun üzərinə düşüb. Nəticədə T.Muradov yerindəcə keçinib. Ərazisində ağac kəsintisi ilə bağlı məlumat alan Lerik MMBM-nin Vizəzəzmin meşəbəyliyinin 15 saylı dolayının meşə gözətçisi Əflatun Almasov hadisə yerinə gəlib və qanunsuz ağac kəsən şəxsin ağacın gövdəsi altında qaldığının şahidi olub. Meşə gözətçisi dərhal hadisə ilə bağlı müəssisənin rəhbərliyinə və rayon polis şöbəsinə məlumat verib.

Baş vermiş hadisə ilə əlaqədar Lerik rayon polis şöbəsində araşdırmalara başlanılıb.

****

Lerik rayonunda 64 yaşlı kişinin üzərinə ağac aşıb.

APA-nın cənub bürosunun verdiyi məlumata görə, hadisə rayonun Çayrud kəndində qeydə alınıb.

Kənd ərazisində olan meşədə kəsilən ağac 1953-cü il təvəllüdlü Fəzan Muradovun üzərinə düşüb. Nəticədə 64 yaşlı kişi hadisə yerində ölüb.

Fakt araşdırılır.
Şərhlər
Hadisə bölməsinin xəbərləri