Mayda BTC kəməri ilə 2,2 mln. ton Azərbaycan nefti nəql olunub

2017-ci ilin may ayı ərzində BTC əsas ixrac boru kəməri vasitəsilə 2 mln. 237 min 140 ton Azərbaycan nefti nəql olunub.

SOCAR-dan APA-ya verilən məlumata görə, cari ilin yanvar-may aylarında bu kəmərlə 10 mln. 961 min 523 ton neft ötürülüb. Ümumiyyətlə, kəmər istifadəyə verilən gündən 2017-ci il iyun ayının 1-ə qədər BTC-yə 332 mln. 499 min 585 ton neft vurulub.

Bundan başqa, 2017-ci ilin may ayında BTC kəməri ilə 561 min 762 ton Türkmənistan nefti nəql olunub.