Kabildə terror aktında 80 nəfər ölüb, 350 nəfər yaralanıb

Kabildə terror aktında 80 nəfər ölüb, 350 nəfər yaralanıb Əfqanıstan paytaxtında partlayış nəticəsində ölənlərin sayı 80 nəfərə çatıb.

Bu barədə “Röyters” agentliyinin Əfqanıstan Səhiyyə Nazirliyinə istinadən yaydığı xəbərdə deyilir.

Bildirilir ki, partlayış nəticəsində 350-dən çox adam yaralanıb.

***

Əfqanıstanın paytaxtı Kabil şəhərində partlayış törədilib.

APA-nın “RİA-Novosti”-yə istinadən verdiyi məlumata görə, Prezident Sarayı və diplomatik nümayəndəliklərin yerləşdiyi ərazinin yaxınlığında törədilən partlayış nəticəsində xeyli insan ölüb və yaralanıb.

Ölkənin “Pajhwok" agentliyinin Səhiyyə Nazirliyinə istinadən yaydığı məlumatda 50 nəfərin öldüyü, 150 nəfərin yaralandığı bildirilir.

Hüquq-mühafizə orqanların məlumatına görə, avtomobilin içərisində olan partlayıcı qurğu Almaniya səfirliyinin yanında işə salınıb. Partlayış nəticəsində Çinin Sinxua Xəbər Agentliyinin Kabildəki bürosunun binasına da ziyan dəyib.
Şərhlər
Dünya bölməsinin xəbərləri