Maşın Şou"": 120 nəfər iştirakçı

"M Group Production"ın komandası var gücü ilə "Maşın Şou"nun 14-cü mövsümünə hazırlaşır.


Live.Az APA TV-yə istinadən bildirir ki, bu layihə həm də televiziya mövsümünü tamamlayacaq.


Ölkənin ən reytinqli şousu canlı yayıma hazırlaşır. Şounun aparıcısı Murad Dadaşov bəzi media resursları tərəfindən iştirakçıların adlarının çəkilməsi ilə bağlı bildirib ki, "MGP"nin prodüserləri Murad Dadaşova 120 nəfərdən ibarət siyahı təqdim edib. Siyahıda Murad Dadaşovun etiraz etmədiyi insanlar var. Hazırda ulduzlarla prodüserlər arasında son danışıqlar aparılır. Maşın ətrafında kimlərin toplaşacağı 28 May, yəni şounun ilk günündə bəlli olacaq.


Qeyd edək ki, "Maşın Şou" mayın 28-dən etibarən hər axşam saat 22:00-da, ATV kanalında yayımlanacaq.