Cəlilabadda mikroavtobus aşaraq yanıb, biri uşaq olmaqla səkkiz nəfər yanıq xəsarətləri alıb

Cəlilabadda baş verən ağır qəzada xəsarət alanların kimliyi məlum olub.

Mikroavtobusun aşaraq yanması nəticəsində rayonun Şiləvəngə kənd sakinləri - 11 yaşlı Nəzrin Qəhrəmanova, 29 yaşlı Ülkər Mahmudova, 35 yaşlı Elnarə Əhmədova, 23 yaşlı Mələk Rəhimli, 25 yaşlı Rəvanə Abbasova, 48 yaşlı Xuraman Ağaşov, 27 yaşlı Tünzalə Fərəcova, 38 yaşlı Könül Mirzəyeva müxtəlif dərəcəli yanıq xəsarətləri alıblar.

Onlar ağır yanıq xəsarəti ilə reanimasiya şöbəsinə yerləşdiriliblər. Bəzilərinin vəziyyətinin ağır olduğu deyilir.

Mikroavtobus onları tarlaya işləməyə aparırmış.

Fakt araşdırılır.


***



Cəlilabad rayonunda sərnişin mikroavtobusu yanıb.

Hadisə rayonun Məlikqasımlı kəndində qeydə alınıb.

Mikroavtobusun yoldan çıxaraq aşması nəticəsində yanğın baş verib.

Mikroavtobusun içərisində olan 8 sərnişin yanıq xəsarətləri alıb. Onlar xəstəxanaya çatdırılıb, vəziyyətlərinin orta ağır olduğu deyilir.

Fakt araşdırılır.



APA