Ələt-Astara yolunda polis maşını "Mercedes"lə toqquşub, iki nəfər ölüb, üç nəfər xəsarət alıb

Ələt-Astara yolunda iki nəfərin ölümü ilə nəticələnən yol-nəqliyyat hadisəsi baş verib.

Hadisə yolun Salyan rayonundan keçən hissəsində qeydə alınıb.

Məlumata görə, Məmmədyarov Natiq Mehdi oğlunun idarə etdiyi DYP maşını ötmə əməliyyatı zamanı qarşıdan gələn "Mercedes" markalı avtomobillə toqquşub.

Hadisə zamanı beş nəfərin xəsarət aldığı və Salyan Mərkəzi Rayon Xəstəxanasına yerləşdirildikləri bildirilir.

Məlumata görə, xəsarət alanlardan ikisi xəstəxanada ölüb.

***



Ələt-Astara yolunda yol-nəqliyyat hadisəsi baş verib.

Hadisə yolun Salyan rayonundan keçən hissəsində qeydə alınıb.

Hadisə nəticəsində dörd nəfərin xəsarət aldığı bildirilir.

Məlumata görə, avtomobillərdən biri DYP maşınıdır. Polis maşını ötmə əməliyyatı zamanı qarşıdan gələn "Mercedes" markalı avtomobillə toqquşub.

Xəsarət alanlar Salyan Mərkəzi Rayon Xəstəxanasına yerləşdirilib.


APA