Roza Zərgərli hərbi hissələrdə konsert verib

Tanınmış azərbaycanlı müğənni Roza Zərgərli Mingəçevir və Şəmkir rayonlarında yerləşən “N” saylı hərbi hissələrdə konsert verib.


Live.az-ın məlumatına görə, ifaçı bir saat davam edən tədbirdə sevilən mahnılarını oxuyub: “Əsgərlərin önündə mahnı oxumaq mənim üçün qürurvericidir. Buna görə də çox şadam. Biz evimizdə rahat yatan zaman onlar vətənimizin keşiyində dururlar. Bundan sonra da əsgərlərin önündə konsert verəcəyəm. Bunu özümə borc bilirəm. Mən də bir müğənni kimi vətən üçün canımdan keçməyə hazıram”.


Onu da əlavə edək ki, R.Zərgərli Gəncə hərbiçilər evinin solistidir.