Emin Azərbaycan turnesinə çıxacaq

Emin növbəti konsert turnesinə hazırlaşır.


Live.az-ın xəbərinə görə, turne iyunun 5-də Bakıda başlayacaq.


"Çoxdandır sizinlə görüşü gözləyirdim. Nəhayət, həmin vaxt gəldi" deyə, Emin yeni layihəsini anons edib.


Bakıda sahibi olduğu "Sea Breeze" istirahət mərkəzində çıxış etdikdən sonra ifaçı Nayl Rocersin Böyük Britaniya və ABŞ-dakı festivallarında iştirak edəcək. Daha sonra isə Rusiyada "Naçistotu" adlı turneyə start verəcək.


Emin ilk dəfə Azərbaycanda turneyə çıxacağını da vurğulayıb. Bakı ilə yanaşı, müğənni Gəncə, Qəbələ, Qusar, Lənkəran və Şəkidə konsert verəcək.