İranın ali dini lideri Məkkədəki faciəyə görə Səudiyyə Ərəbistanını günahlandırıb

İranın ali dini lideri Əli Xamenei Məkkədə Qurban Bayramı günü baş vermiş faciəyə görə Səudiyyə Ərəbistanının hakimiyyətini günahlandırıb.

APA-nın “Gazeta.ru”ya istinadən verdiyi xəbərə görə, bu barədə “Reuters” məlumat yayıb.

“Səudiyyə Ərəbistanı hökuməti bu faciəli insidentə görə məsuliyyəti öz üzərinə götürməlidir... Faciəyə səbəb qeyri-səmərəli və bədəməl hərəkətlər olub”, deyə ayətullahın bəyanatında bildirilir.

Qeyd edək ki, ötən gün Məkkə yaxınlığında izdiham nəticəsində 717 zəvvar ölüb, 900-dək insan xəsarət alıb.