Cenifer Lopez yeni qeyri adi libasda

Cennifer Lopezin iki gün əvvəl qeyd etdiyi doğum günü partisinin fotoları yayılıb. ANS-in məlumatına görə, ulduz növbəti dəfə transparan libası ilə dünya KİV-nin manşetinə düşüb.

İfaçı sanki geyimi ilə 46 yaşının olmasına baxmayaraq illərin ona təsir etmədiyini sübut etməyə çalışıb. Libasın altından heç nə geyinməyən Ceylo bədəninin incəliklərini nümayiş etdirərək özündən 20 yaş kiçik olanlara meydan oxuyub.

Doğum partisi yaxın dostların əhatəsində keçib. Cennifer Lopez gecəyə özündən 18 kiçik sevgilisi rəqqas Kasper Smartla birlikdə təşrif buyurub.

Bütün gecəni bir birindən ayrılmayan sevgililərin yaş fərqi qətiyyən hiss edilməyib. Cütlük artıq 2 ildir birlikdədir.

Cennifer Lopes — ABŞ kino ulduzu və pop-estrada müğənnisi. İspan dilli amerikan aktrisası hesab olunur, həmçinin müğənni və maneken kimi də fəaliyyət göstərir. Dünya üzrə 55 milyondan artıq musiqi diskini satıb.

Cennifer Lopes 1969-cu il iyulun 24-də Cənubi Bronksda doğulub. Valideynləri Qvadelupa Rodriqes və David Lopes Puerto-Rikodan gəlmiş mühacirlər olublar.